睇返呢几张相噶时候，脑入边又再谂返起06年10月13日。
噶日，系霆锋黎广州宣传距既新专辑《毋忘我》，系中国移动搞既一个中型音乐会。睇左后尾既一D报道，原来，噶晚，我系引起左一D骚动。后尾，条女仲特登系网站上帮我澄清，话我唔系特登去出风头既。好啦，既然谂返起，就等我自已黎讲晒成事件啦。

 时间返到噶日。其实几日前，条女就话霆锋要黎广州啦，问我想唔想去睇，我话，梗系想啦，我仲未见过距真人黎！后尾，条女罗到菲，同距班F，一齐行过陵园西路既广联礼堂。其实，一路行紧噶时，已经不断有路人疑惑既目光射过黎咖啦，或者，好多人都会系心入边问自已，噶个系咪谢霆锋黎咖？(唔系我罗彩话自已同谢霆锋有几似啊，其实，系06年我岩入演艺呢行时，行街真系会俾成街人望，亦都听到身边经过既人问距身边既朋友，问呢个系咪谢霆锋黎咖，甚至，有人会大嗌“霆锋”或者远远追过来同我影相。我已经习惯左，但系，压力真系会有，而且好大！)当行到礼堂噶时，入大门去噶一刹那，由于入边既人基本上都系锋迷，无数道目光都望到我呢边黎，都系度议论紧，噶时既心情都几紧张下，感觉就好似自已系只怪物甘！当行入到礼堂入边时，哇，真系好多人！！跟住，更大既麻烦黎啦，坐最后排既一D锋迷见到我，引起左一阵哇哇声，但系距地又觉得霆锋无可能从大门入黎，都系度议论紧，但系都企晒起身，搞到越黎越多人望过黎！条女D F话我地既座位系中间既，于是就行去中间啦，点知行到去噶时又话座位系后边二楼，变左又要行返转头上二楼，而噶时，随住我既行走，就已经引发左场入边成在半人既骚动啦！当我到左二楼噶座位时，条女噶F仲要好“识时务”甘大叫，“霆锋系呢度”，真系保距大，噶时就不得了啦，全场既锋迷，就好似骨牌效应，潮水甘涌过我呢边黎！场面越黎越混乱！！主办方呢个时候亦都CUT左音乐，通过播音室，叫大家冷静D，霆锋仲系后台休息紧，一阵就会出黎同大家见面！但系无用，D人仲系不停甘迫过黎。。。。。当时，我真系好紧张，几百台相机对住我系甘影，闪光灯闪过不停，而我身边既人就系度大叫，“霆锋，你好型啊”，“霆锋，我地永远支持你”。。。。。
噶一刹那，我亲身感受到谢霆锋既魅力系有几甘大。。条女个F，开玩笑甘同我讲：拿，出左名之后唔好唔记得我啊下！”我唯有苦笑。。。。而噶一刻，我亦都忘记去澄清。随住场面越来越难控制，主办方终于派出几个保安黎到我身边，同我讲：“你坐系度唔安全，你入后台啦！”真系好搞笑，黎之前，我仲谂紧，如果有机会俾我近距离接触霆锋就好咯。点知。。。就甘样机会就黎啦。我更加谂唔到既系，后尾仲有个更大既惊喜。
  入到后台，入边有一大班工作人员，而霆锋，就系隔离间房，对住块镜，不时抿下个下巴，（呵，当时唔知距做乜，而家先知原来系上台前既准备-活动口腔，开声）。当时，我问工作人员，可唔可以同距影返张相，噶个女仔（工作人员）迟疑左一下，就同我讲话，要问下霆锋既经纪公司先得，你等一下啦。跟住就去问负责人呱。但系好唔好彩，得到既答复系，霆锋系度准备紧，或者阵间先啦！
  系度坐左几分钟，就黎开始啦。D保安行过黎同我讲，可以返出出边坐啦，仲将安排系第二排中间。呵，好开心，本身系坐最尾既位置，变左而家既最前排！！
   终于开始啦，开场噶首歌当然少唔到“谢谢你的爱1999”啦。随住霆锋既出现，场面有几虚堪就唔使讲啦。整个过程我都好专注甘去听距唱歌，其他噶野就唔多理啦，当然，会影左好多相返黎！而到左参唔多最后既一个环节时：谢霆锋歌唱模仿大赛，主办方又有人黎同我讲，叫我阵间准备上台。噶时，我既心跳真系开始加速啦，讲话唔紧张就真系呃人既。跟住就有几个锋迷分别系台上唱霆锋既歌，最后，一个主持岩话要准备结束呢一个环节啦，而另外一个靓女主持马上就讲话等等，仲有另外一个FANS要上黎！由于我系突然加插上去既，所以霆锋都唔知有我既存在。SO，当主持人叫我上台噶时，霆锋，距先来一个好诧异既表情，然后大笑，跟住就同样张开手臂，大家黎一个拥抱啦。虽然系第一次见到距，但系，我并唔觉得陌生，只有一种好熟悉既感觉。或者，系因为长期听紧距D歌啦。跟住，我系距耳边问距：其实，你觉得我地两个似唔似咖？距就傻笑住系度点头，跟住又同距讲，“阵间我地影返张相啦”，距又傻笑甘系度点头哦~哈~其实我仲想问：你同柏张系咪真系结左婚啊“（当果，距地仲未公开）点知俾个靓女主持话：够啦够啦，你揽住霆锋甘耐，其他歌迷会呷醋咖”
跟住仲扯开左我。。。顶。。。。不过，呢个问题唔使我问，后尾霆锋自已老实同大家交待左。后尾，仲同霆锋一齐唱左距噶首“不要说谎”添，有张相入边同距对唱噶张就系啦。哎。。。当时唱歌好鬼屎，真系好想有机会可以重来！。。。

 跟住落黎，第二晚又去左军区礼堂睇噶个9+2音乐先锋颁奖典礼，尽管同条女坐到好后，但系条女却同我讲，话霆锋好似见到我，因为距唱歌时，望过黎呢边噶时目光系我身上停留左几秒，当然，亦都好多锋迷见到我添，仲上网发贴骂我话乜乜乜添。。。。后尾，男儿本色既首影我都有去，本来， 我张菲，系要上台献花俾霆锋既，点知，主办方话为左避免不必要既骚乱，叫我唔好上去。。好可惜。不过，我又系坐左第一排。。呵，霆锋仲有房祖名江若琳距地当然有见到我啦，仲笑住打招呼添。跟住到左《错爱》既首映，汗。。。余文乐，首先同导演、邓丽欣指住我唔知系度讲乜，后尾更加大声讲“大家睇下，谢霆锋都有黎啊”，后尾，到左FANS互动环节，就鬼鬼祟祟系邓耳边讲，可惜，邓丽欣眼神出卖左距，距向我望黎！我估到距地想叫我咖啦~~不过~谂返起我真系好唔俾面，因为距个环节系答明星问，看后感，要举手咖，而我，就无举到，搞到邓丽欣问主持，可唔可以问无举手既朋友咖。。。汗
  今年春节前开始，艳门照事件波及到柏芝。好无言，只希望，霆锋,你能够处理好，毕竟，都系过左去既事啦，真心希望你地幸福！